Татарстан Республикасы Президенты Рөстәм Миңнеханов «Яңа проектларны алга этәрү буенча стратегик инициативалар агентлыгы»
АКБО генераль директоры Светлана Чупшева белән очрашты. Очрашудан соң Татарстан Министрлар Кабинетында инвестицион климатны яхшырту һәм эшкуарлыкка ярдәм итү мәсьәләләренә багышланган утырыш узды. Эшлекле сөйләшүгә видеоконференция режимында республика муниципалитетлары башлыклары да кушылды. Татарстан Россия Федерациясе субъектларында инвестицион климат торышының илкүләм рейтингында, Мәскәүдән кала, икенче урынны алган. Димәк, республикада бизнес алып бару өчен мөмкин кадәр уңайлы шартлар булдырылган, ә әлеге утырышта аны тагын да яхшырту юнәлешләре ачыкланды. Президент Рөстәм Миңнеханов хәбәр иткәнчә, Татарстан инвестицион климатны яхшырту эшендә илдә булган иң яхшы тәҗрибәләргә йөз тота. Рейтингта яхшы позициягә ирешү — үзмаксат түгел. Барыннан да элек, инвестицияләр җәлеп итү мөһим. Бизнес — ул кошлар кебек, кайда яхшы, кайда шартлар тудырылган — шунда. Шуңа күрә эшләрбез һәм шартлар тудыру уңышлы булуга өметләнәбез”- дип белдерде Татарстан Президенты Рөстәм Миңнеханов.
