Хәзерге татар теле белемендә әһәмиятле казанышларның берсе – “Татар лексикологиясе” хезмәте дөнья күрде.
Берничә буын тел белгечләренең эшчәнлек нәтиҗәсен берләштергән әлеге 4 томлык хезмәт татар лексикологиясенең торышын һәм үсешен тулаем күзалларга мөмкинлек бирә. Проект төрки тел белемендә иң беренчеләрдән булып татар теле өчен эшләнде. Томнарның электрон версиясе белән тел, әдәбият һәм сәнгать институтының рәсми сайтында танышырга була.
