Милли музей филиалы — Татар әдәбияты тарихы музее һәм Шәриф Камал мемориаль фатирында Һади Такташ турында «Гасырлар һәм минутлар» күргәзмәсе эшли башлады. Ул Милли музей фондында сакланган Һади Такташка бәйле экспонатлардан тора. Күргәзмәдән Ләлә Зәйнуллина репортажы.
«Гасырлар һәм минутлар» — Такташның Ленинга багышлап язылган поэмасы. Ул 1924 елда, ягъни 100 ел элек дөнья күрә. Күргәзмәнең тематикасы поэма тарихы белән генә чикләнми.
Биредә Такташның кулъязмалары, хатлары һәм документлары, кайбер шәхси әйберләре күрсәтелә. Шулай ук аз билгеле фотосурәтләр, китаплар һәм башка материалларны күреп була.
Күргәзмәнең исеме үзенчәлекле әсәрдән алынганча халыкка Һади Такташ гомеренең гасырлары һәм минутлары кадерле дә инде.
Күргәзмә 15 ноябрьгә кадәр эшли. Бу вакыт эчендә музейда мәдәни һәм белем бирү чаралары да узачак. Татар китабы йортында камера концерты, әдипнең тормышы һәм иҗаты турында лекцияләр, остаханәләр оештырыла. Казанда Һади Такташ белән бәйле урыннар буенча җәяүле экскурсия үткәрелә.
Ләлә Зәйнуллина, Фәрит Җәләли. Татарстан яңалыклары.
