Шәмәрдән авылы мәдәният йортында «Гаилә тарихында гасыр кайтавазы – Тарихта без эзлебез» шәҗәрә конкурсының муниципаль этабы узды. Анда берьюлы 3 гаилә катнашты: Шыңар авылыннан Абдрахмановлар, Эзмә авылыннан бер нәселдән булган Җиһаншин һәм Саматовлар, Корсабаш авылыннан Мөбаракшиннар үзләренең нәсел шәҗәрәсен тәкъдим итте. Бәйге керү юлында әзерләнгән бай күргәзмә белән танышудан башланды. Чарадан безнең язма.
Шәмәрдән авылы мәдәният йортында «Гаилә тарихында гасыр кайтавазы – Тарихта без эзлебез» шәҗәрә конкурсының муниципаль этабы узды. Анда берьюлы 3 гаилә катнашты: Шыңар авылыннан Абдрахмановлар, Эзмә авылыннан бер нәселдән булган Җиһаншин һәм Саматовлар, Корсабаш авылыннан Мөбаракшиннар үзләренең нәсел шәҗәрәсен тәкъдим итте. Бәйге керү юлында әзерләнгән бай күргәзмә белән танышудан башланды. Чарадан безнең язма.
Шыңардан Габдрахмановлар гаиләсенең нәсел агачы Дәүләки бабаларыннан башланып китә. Бу авылның иң укымышлы, динле нәселләренең берсе. Бер улы Сәетгәрәйнең хаҗ кылырга җәяү баруы үткән заман өчен генә түгел, хәзергесе өчен дә мөмкин булмастай, шаккаткыч күренеш. Наилә Габдрәфыйкова әтисе Исмәгыйльне оста тегүче буларак искә ала. Биредәге иң кадерле һәм борынгы экспонат 77 ел элек сабантуй батырына дип чигелгән Сабантуй сөлгесе.
Бер нәселдән булган Җиһаншин һәм Саматовлар гаиләсенең икегә бүленү тарихы да кызыклы. Заманында авыл советы рәисе булып эшләгән Салих бабалары нәсел таркалмасын дип, 5 баласын Җиһаншин, 2сен Саматов дип яздырган.
Электән иҗат- сәнгатькә гашыйк, гыйлемле нәселнең дәвамчылары республика горурлыгы. 14 китап авторы язучы, журналист Гөлсинә Галимуллина күргәзмәсе, Зәйнәп Җиһаншинаның кул эшләнмәләре, тегүчеләрнең хезмәтләре, Рөстәм Хөсәеновның кубок, дипломнары янында да озакка тукталырлык.
Жюри ясаган нәтиҗәләр буенча «Гаилә тарихында гасыр кайтавазы – Тарихта без эзлебез» шәҗәрә конкурсының муниципаль этабының җиңүчеләре дип Эзмәдән Җиһаншин һәм Саматовлар нәселе танылды. 2 нче урында Шыңардан Габдрахмановлар. Мөбаракшиннар гаиләсе өченче урынны яулады. 1нче урынга – 50, 2нчегә –40, 3нчегә –30 мең сумлык сертификатлар тапшырылды.
Алия Галиуллина, Гөлназ Вахитова, Ирек Солтанов, Татарстан яңалыклары, Саба районы.
