Үзизоляция белән бәйле рәвештә күп өлкәләрдә эш барышы үзгәрде. Хезмәт күрсәтү өлкәсендә бу бигрәк тә сизелә. Аның иң популяр тармакларының берсе – такси хезмәте. Таксистларда эшләргә рөхсәт иткән махсус белешмәләр булырга тиеш. Бу пассажирларга да кагыла. Теманы Эльвина Андрова дәвам итәчәк
Үзизоляция режимы башлангач таксистлар битлек һәм перчатка кияргә мәҗбүр булды. Ун сәгатьле эш көнендә алар 5-6 битлек алыштыра. Машиналарны да махсус юу урыннарында гына түгел, үзләренә дә дезинфекцияләргә туры килә.
Таксист Мөҗәһит Әһдуллин: « Машинаны һәрбер клиенттан соң җилләтәбез, антисептиклар бн обрабатывать итәбез. Кешеләрнең йөрүе әзәйде хәзер, 75% наверно кимегәндер кешеләрнең йөрүе.»
Ишек тоткалары, утыргычлар һәр клиенттан соң мәҗбүри рәвештә эшкәртелә. Хәзер таксида ике олы кешедән күбрәк йөртергә ярамый. Алар белән бер бала булырга мөмкин. Әгәр гаиләдә 4 кеше икән, аларның барысын да утырта алмыйбыз, ди таксистлар.
Шәһәрнең таксопаркларының берсе медицина хезмәткәрләрен бушлай ташуны оештырган. Моның өчен 25 машина бүлеп бирелгән, таксистлар медицина тикшерүләре үтә, барлык куркынычсызлык чаралары үтәлә.
Эльвина Андрова.
