Төркиянең абруйлы журналларыннан берсе булган “Тәмрин” журналы 2020 елның 4 санын тулысы белән классик язучыбыз Аяз Гыйләҗевкә багышлап чыгарган. Әлеге журнал Истанбулда нәшер ителә. Тышлыrында “Татар әдәбиятының шанлы сакчысы Аяз Гыйләҗев” дип аталган бу санда әдиб турында язучылар һәм галимнәрнең ун алты язмасы теркәлгән. Журнал, хәзерге заман татар әдәбиятыннан Аяз Гыйләҗевне сайлап алган. Әлеге махсус санны журнал редакциясе соравы буенча Аяз Гыйләҗевнең әсәрләрен озак еллар дәвамында Төркия халкына җиткерүче Татарстан Язучылар берлеге әгъзасы тәрҗемәче, язучы Фатих Кутлу әзерләде. “Тәмрин” журналы узган ел 95 номерлы санын кыргыз әдәбиятыннан Чыңгыз Айтматовка багышлап нәшер иткән булса, быелның март ае санын Азәрбайҗан шагыйре Микаил Мөшфиккә, ягъни Микаил Исмаилзадәгә багышлап чыгарган. “Тәмрин” журналы гомумән кардәш халыклар әдәбиятын Төркиядә таныту эшен үзенең вазыйфасы итеп саный.
