Лаеш районында фермерларның яңа шартларда ничек эшләүләрен күрсәттеләр. Үрдәк итеннән продукция җитештерү компаниясе үсештә, җитештерүне киңәйтә, чит илләргә товар чыгаруны җайга сала.Уңыш серләре турында киләсе репортажда.
Һәр этапта уникаль җитештерү процесслары. Эшкәртү цехында түшләрне кулдан чистарталар, шулай иткәндә югалтулар азрак була. Ә монысы он цехы, монда да күбрәк кулдан эшлиләр. Иттән ярымфабрикатлар әзерлиләр. Процесс катлаулы түгел, шулай да үз таләпләре куелган. Һәр хуҗалыктагы кебек үк, үз серләре барТатарстанда да, аннан читтә дә үрдәк итеннән затлы ризыклар җитештерүчеләр юк.
Продукция җентекләп тикшерелгәч, сатуга китә. Яңа логистик үзәк 2 мең тонна продукцияне саклый ала. Компания ашамлыкларны Татарстан, Россия базарына чыгара, транспорт, маркетинг чыгымнары кыйммәт түгел. Җитештерүгә көнбатыш санкцияләре йогынты ясамый. Базарда чит ил материалларына лаеклы алмаш табылган.
Компания импортны алыштыруның чираттагы этабына — этләр һәм мәчеләргә азык әзерләүгә җыена. Хәзер продукция сертификатлаштыру уза.Тиздән ил киштәләрендә йорт хайваннары өчен Татарстанда җитештерелгән сыйфатлы ашамлыклар барлыкка килә.
Александр Шмагин. Ринат Сәхибгәрәев., Татарстан яңалыклары, Лаеш районы.
