Бүгенге көндә Татарстан коронавирустан сиксән мең дозага якын вакцина алган. Прививканы бушлай һәм ирекле ясатырга була. Иҗтимагый палатада экспертлар коронавируска каршы прививка ясау турында социаль челтәрләрдә һәм мессенджерларда еш очрый торган төрле фикерләргә бәя бирергә җыелды. Беренче тапкыр бу теманы фәнни җәмәгатьчелек һәм Татарстан халкы тикшерде. Очрашуга каршы хәрәкәт активистлары да килде. Теманың дәвамы киләсе репортажда. Түгәрәк өстәлдә катнашырга теләүчеләрне Татарстан Иҗтимагый палатасы рәисе Зилә Вәлиевага тынычландырырга туры килде. Вице-премьер Ләйлә Фазлеева белән бергә прививкаларга каршы хәрәкәт вәкилләре белән сөйләштеләр. Фикер алышуга алардан дүрт кеше урынына 21 әү килгән. Очрашуны актив анонсладылар, сораулар да көттеләр. Тик көтелмәгән кунаклар сөйләшүгә әзер түгел иде.
Татарстан Республикасы Премьер-министры урынбасары Ләйлә Фазлыева: « Әйдәгез, бер-беребезне тыңлыйбыз. Сорауларны бергәләп хәл итик. Безнең үзара хезмәттәшлектә бернинди проблема да була алмый. Фикерне көчләп тагу белән берни дә хәл ителми. Тавыш куптару гына да проблеманы чишми.»
Түгәрәк өстәл сөйләшүенә сәламәтлек саклау министрлыгы, Роспотребнадзор вәкилләре, шулай ук танылган галим-эпидемиологлар, ковид авыруларын дәвалаган клиникаларның җитәкчеләре җыелды. Хәзер халыкны вакцинацияләү белән шөгыльләнүче белгечләр дә бар иде. Мондый составта фейклар һәм вакцинация турында беренче тапкыр фикер алышалар. Мессенджерларда һәм социаль челтәрләрдәге кайбер мәгълүматлар фәнни фактларга каршы килә.
Татарстан Республикасы Сәламәтлек саклау министрлыгының штаттан тыш баш белгеч — терапевты Диана Габделганиева: «Ковид кешенең гомере өзелүгә китерүче куркыныч авыру. Вирус кеше организмында авыр иммун реакция китереп чыгара. Бу йогышлы авыру, безгә барлык ысуллар белән нормаль тормышка әйләнеп кайтырга кирәк, чөнки кешеләр аннан арыды инде.»
Әмма вакцинациягә каршы профессионалларны игътибар белән тыңларга теләмәүчеләр дә табылды, киресенчә хәлне киеренке итеп күрсәтергә тырыштылар. Прививкага каршы хәрәкәт активистлары экспертларны бүлдерде, хәтта очрашуга битлекләр дә киеп кермәгәннәр иде. Вакцинаны кешеләргә мәҗбүри рәвештә ясаталар дип акланырга тырыштылар. Ә экспертлар арасында Санкт — Петербургтан килүчеләр дә булды.
Татарстан Республикасы Премьер-министры урынбасары Ләйлә Фазлыева: «бу факт Россия, Татарстан территорияләрендә рөхсәт ителми. Татарстанда яшәүче 4 миллион кешегә 82 мең вакцина кайтарылган. Һәркем үз ихтыярын мөстәкыйль рәвештә белдерә, беркем дә мәҗбүр итми.»
Ике сәгатькә сузылган очрашуда вакцинаца ясаткан, шулай ук фикер алышуга кунак итеп чакырылган кешеләргә дә иркенләп чыгыш ясарга ирек бирмәделәр. Нигәдер,аларның тәҗрибәсе активистларны кызыксындырмады. Иң мөһиме — фәнни җәмәгатьчелекнең дәлилләрен республикның күпчелек кешесе дөрес аңлады. Татарстанда 24 меңнән артык кеше ковидка каршы вакцина ясаткан инде.
Инна Данилова, Сергей Павлухин, Татарстан яңалыклары.
