Түбән Камада Тукайга багышланган “Яттан сөйлә Тукай шигырьләрен шушы булыр иң зур бүләгең!»,- дип исемләнгән дистанцион конкурс бара. Китапханәчеләр укучылардан Тукай әсәрләре видеоязмаларын көтеп кала. Бүгенгә 150 дән артык материал алынган. Оештыручыларның фикеренчә, видеоязмаларның сыйфатынан бигрәк, шигырьләрнең дөрес укылышы мөһимрәк.
Габдулла Тукайның “Бала белән күбәләк” шигыре кечкенәләр арасында бик популяр. Ул җиңел ятлана, балаларны табигатькә саклык белән карага өйрәтә, ди китапханәчеләр.
Быел 28 нче тапкыр уздырылучы “Яттан сөйә Тукай шигырьләрен – шушы булыр иң зур бүләгең” бәйгесе дистанцион рәвештә уздырыла. Катнашучылар үзләренең чыгышларын менә шулай видеога төшереп юллыйлар. Быел анда 240 ка якын кеше катнашырга теләк белдергән. Бүгенгә бары 152 кешедән генә видео килеп ирешкән.
Tukai2020@mail.ru
Шуңа да кулыгызга телефон алып, үзегезнең чыгышыгызны видеога төшерегез дә, экраннарда күрсәтелгән адреска юллагыз. Нәтиҗәләрне 20 нче апрельдан соң, ясый башлаячаклар. Ә җиңүчеләр исемнәре 26 нчы апрель көнне билгеле булачак. Аларны китапханәнең сайтында һәм ВКонтакте челтәрендәге төркемдә күреп булачак
