Булышалар да, ярдәм итәргә дә чакыралар. Түбән Камада Игелек үзәге ачылды. Хәзер волонтерларның үз биналары бар. Биредә күпкырлы хезмәт күрсәтеләчәк. Тулырак алдагы язмада.
Дус, терәк, ышаныч дигән төшенчәләрнең мәгънәсе белән әлеге укучылар сүздә генә түгел, тормышта да яхшы таныш. Алар — волонтерлар. Максатлары – башкаларга ярдәм итү.
Волонтерлык үзәге җитәкчесе Булат Әюпов кунакларны яңа оешма бинасы белән таныштыра. Дөрес, хәйрия эше Түбән Кама өчен яңа юнәлеш түгел. Хәзер волонтерларның очрашу урыннары булачак.
Ачылыш көнендә дә үзәк буш түгел. Биредә күпкырлы хезмәт күрсәтеләчәк: мобилизацияләнгән гражданнарның гаиләләренә ярдәм итүдән алып, яшьләр өчен мастер-класслар, белгечләр консультациясе.
Әлеге үзәккә мөрәҗәгать итүче беркем дә игътибарсыз калмаячагына ышана волонтерлар. Шулай ук башкаларга да ярдәм итәргә теләүчеләр өчен ишекләр ачык.
Түбән Кама районы.
