Түбән Кама шәһәренең Кызыл Чишмә дамбасын тулысынча реконструкцияләүгә 1 миллиард сумга якын акча кирәк булачак. Акча бар, эш башланган. Яр буен ныгыту эшләре белән Казаннан килгән белгечләр шөгыльләнә. Алар Чулман елгасы ярына махсус җиһазлар урнаштырганнар.
Глеб Гафуров эшләрнең барышын игътибар белән күзәтә. Аның дача участогы Кызыл Чишмә дамбасы каршында ук урнашкан. Бакчачылар аның реконструкцияләнүен уннарча ел көткән.
Глеб Гафуров: » 70нче еллар азагында гыйбрәтле хәлләр булды, Чулманда су күтәрелде. Дача участокларына көймәдә кереп йөрдек. Шушы дамбаны төзегәч, яхшы булды, хәзер су басмый.»
Шпунт артыннан шпунт. Әлеге су субайлары шулай дип атала. Конструкцияләр дамбаның терәк стенасы булып хезмәт итәчәк. Аларны суга ике йөз данәдән артык урнаштырганнар инде. Өч метрдан алып 12 метрга кадәр тирәнлектә.
Түбән Кама шәһәре Башкарма комитеты җитәкчесе Айрат Салаватов: «Бу ныгытма яр буен саклап тора. Дамба терәк стена ролен үти. Соңыннан бирегә бетон җәячәкбез.»
Дамбаны ныгыту өчен белгечләр Казаннан килгән. Чулман ярына махсус җиһазлар урнаштырганнар. Аларның эш фронты күп әле.
Проект җитәкчесе Раил Хисмәтуллин: « Шпунтларны урнаштырып бетергәч, монолитлар куклачак. Бетон җәйгәннән соң, җыелма тимер-бетон плитәләр урнаштырачакбыз.»
Дамбаны реконструкцияләүне киләсе елда төгәлләргә ниятлиләр. Бакчачылар барлык эшләр төгәлләнгәч, бюиредә яңа юл да салыныр дип өметләнәләр. Айгөл Яблонская, Фәхри Исламов
