Түбән Кама шәһәрендә “Бергә – без бердәм” дип исемләнгән, милли проект гамәлдә. Төрле тәбәкләрдән, район-шәһәрләрдән килгән иҗади шәхесләр, мәктәп укучылары , яшләре өчен очрашулар үткәрәләр. Чираттагысы- ут күршеләребез Башкортстаннын танылган курайчысы Роберт Юдашев белән булды. Моңлы очрашудан безнең алдагы репортаж.
Сәхнәдә – “Курайчы” төркеме. Аның җитәкчесе – Башкортстаның халык артисты Роберт Юлдашев. Ансамбльнең чыгышларында думбыра, кубыз кебек уен кораллары катнаша. Шунысы үзенчәлекле, музыкантлар төрле халык көйләрен башкаралар.
Залда утыручы тамашачылар – Түбән Кама яшьләре. Концерт «Бергә- без бердәм” россиякүләм проекты кысаларында оештырыла. Төп максат – яшьләргә милли тәрбия бирү.
Тамашачы курай моңнарына хозурланып кына калмыйча “Гүзәл денс” бию төркеме кызларының театральләштерелгән тамашасын карады. Биючеләрнең милли киемнәре, озын толымнары күз явын алырлык. Этник чара кысаларында музыкантлар яшьләрне курайда уйнарга да өйрәттеләр.
