Түбән Кама шәһәре мәгариф учреждениеләрендә ковидтан прививка ясатуга бердәм алынганнар. 32 гимназиядә берничә мәктәп, гимназиядән берьюлы йөзгә якын укытучы вакцина узды. Исегезгә төшерәбез, мәгариф хезмәткәрләре мәҗбүри вакцинацияләнергә тиешле кешеләр исемлегенә кертелде.
Менә шулай тиз генә Түбән Камада прививка ясатучылар саны артты. Мәҗбүри вакцинацияне мәгариф учреждениеләре хезмәткәрләре үтте. Прививка ясатырга теләүчеләр арасында ашханә хезмәткәрләре, техник персонал һәм, әлбәттә инде, укытучылар да бар. Барысы өчен дә башта мәҗбүри медицина тикшерүе.
Узган атна башында шәһәр мәгариф хезмәткәрләренең 55 проценты гына прививка ясаткан булган. Хәзер вакцина ясатучылар бермә-бер арткан. Татар теле укытучысы Алия Шәрипова б вакцинацияне беренчеләрдән булып узды. Мөгаллимәнең сәламәтлеге яхшы, бернигә дә зарланмый.
Медицина хезмәткәрләре узган атнадан башлап шәһәр мәктәпләренә прививка ясау өчен даими рәвештә чыгалар. Шәһәрдә барлыгы 13 стационар һәм 8 күчмә прививка пункты эшли. Укытучылар да, башка күп кенә һөнәр ияләре дә, яңа карар чыгу белән, мәҗбүри вакцинация үтәргә тиеш. Исегезгә төшерәбез, 9 ноябрьдән вакцинацияләүнең беренче этабын узмаган, ә 7 декабрьдән — яңа коронавирус инфекциясенә каршы икенче компонентны алмаган хезмәткәрләр эштән азат ителергә тиеш.
Рафаэль Рәкыйпов, Татарстан яңалыклары, Түбән Кама.
