Түбән Кама районы имам-мөхтәсибе яңа мәчет төзелеше өчен материаллар сатып алуга акча җыю буенча акция игълан итте. Исегезгә төшерәбез, мәдәни корылма шәһәрнең 35А микрорайонында урнашачак. Проект уникаль, Татарстанда шуңа охшаш мәчетләр башка юк. Эшләр мәхәлләгә йөрүчеләрнең сәдака акчасына алып барыла.
Салих хәзрәт Ибраһимов төзелеш мәйданындагы соңгы яңалыклар турында сөйли. Изге йортның нигезе бар инде. Хәзер диварларны төзүгә керешергә кирәк. Моның өчен 900 поддон кызыл кирпеч кирәк. Бер төргәкнең бәясе-дүрт мең сум.
Түбән Кама районы имам-мөхтәсибе Салих хәзрәт Ибраһимов: «Мин һәркемне бер поддон кирпеч сатып алу өчен өлешен кертергә чакырам. Һәркайсыбыз шулкадәр өлеш кертсә, мәчет төзелешен тизләтәчәкбез.»
Мәчет төзелеше узган ел ахырында башланды. Проект уникаль. Ул заманча төзелеш алымнарын кулланып салыначак. Ике катлы үзенчәлекле бина булачак. Татарстанда мондый корылма юк әлегә.
Мәчет 35А микрорайонында барлыкка киләчәк, төзелеш эшләрен тәмамлау өчен 80 миллион сумга якын акча кирәк. Мәхәллә вәкилләре яңа гыйбадәтханә киләсе елга ишекләрен ачар дип өметләнәләр.
Гөлия Нигъмәтуллина, Евгений Лызаев.
