Башкалабыз бистәләрен су белән үзәкләштерелгән челтәр буенча тәэмин итүне көтәләр. Бу уңайдан Казан тирәсендә инфраструктура мәсьәләләрен хәл итүгә 3 миллиард сум кирәк. Әлеге сумманы башкала мэриясендә исәпләп чыгарганнар. Быел нәрсәләр эшләргә җыеналар? Хәбәрчебез белеште.
Бу кое Казанның Самосырово бистәсенең берничә гаиләсе өчен берьюлы бердәнбер су чыганагы. Көн саен Антонина Чурочкина да шуннан файдалана. Бистә Казан составына керми, ә су һәм үзәк канализациягә ихтыяҗ зур.
20 ел эчендә бистә берничә тапкыр үскән, төзелеш арта, димәк, үзәк су белән тәэмин итүгә ихтыяҗ һәрвакыт бар, ә кыйммәтле скважиналар борауларга барысының да матди мөмкинлеге юк.
Самосыроводагы кебек, су белән үзәкләштерелгән челтәрдән тәәэмин итүне Казанның тагын 23 бистәсендә көтәләр. Экспертлар торак массивларның инфраструктур мәсьәләләрен җайга салу өчен өч миллиард сумнан артык акча кирәк, дип исәпләп чыгарганнар.
Газ яки электр белән проблема юк диярлек, су белән тәэмин итү проблемасы 215 меңгә якын кешегә кагыла. Казан бистәләрендә шулкадәр кеше яши. Проблеманы хәл итәргә федераль программа да ярдәм итә.
Быел суүткәргечне реконструкцияләү Царицыно, Кече Клыки һәм Сосновка бистәләренә кагыла, ә бер елдан соң Салмачы, Константиновка, Көнчыгыш һәм Борисоглебское бистәләренә яңарыш килергә тиеш.
Александр Шмагин. Илдар Галәветдинов. Татарстан яңалыклары.
