Безнең редакциягә фатирында җылылык җитәрлек булмавына зарланып Владимир Мухин мөрәҗәгать итте. Ул Новаторлар урамында яши. Әмма шундый ук моң-зарлары белән Казаннын башка урамнарында яшәүчеләр дә уртаклаша. Ни өчен фатирларда салкын булу сәбәбен хәәбәрчеләребез ачыклады.
Соңгы аралардагы салкын булу сәбәпле өйләрне җылытуга аерым игътибар артты. Әмма Владимир Мухинның фатирындагы һава температурасы нормадан күпкә түбән.
Батареялар чак кына җылы. Бу йортта һәр фатирда шул ук хәл.
Монда яшәүчеләр берничә тапкыр «Зеленый двор» идарәче компаниясенә мөрәҗәгать иткән. Ә алар битараф. Хезмәт күрсәтүче оешма безнең телеканалга да рәсми аңлатма бирмәде, бары өй бинасы, торбалар искергән дип кенә акланды. Ләкин мондый җавап ике юрган ябынып ятарга мәҗбүр булучыларны җылытмый.
Мондый хәл иске күпкатлы йортларда гына түгел. «Легенда» заманча башкала комплексында да күзәтелә. Кайбер фатирларда җылылык нибары 13 градус. Күргәнегезчә менә бу фатирда, эчке яктан тәрәзәләргә боз каткан.
Сәбәбе батареяларда гына түгел, тәрәзәләрнең дөрес куелмауында да дип билгеләп үтте фатир хуҗалары. Идарәче компания йорт салучыларга мөрәҗәгать итеп караган. Әмма төзелеш оешмасыннан әлегә элемтәгә чыкмый. Халыкның түзәр чамасы юк һәм судка барырга ниятли. Торак-коммуналь хуҗалык өлкәсенең җәмәгать контроле белдерүенчә фатирда закон буенча температура 18 – 20 градустан да түбәнрәк булмаска тиеш.
Шикаятьне “Халык контроле» һәм «Ачык Казан» сайтларында онлайн рәвештә дә калдырырга мөмкин. Хәзер Казанның Яңа Савин районында яшәүчеләрдән мөрәҗәгатьләр аеруча күп.
