Казанда Татарстанның халык артисты, виртуоз баянчы, композитор, татар сәнагатенә зур өлеш керткән Рамил Курамшинны искә алдылар. «Чулпан» мәдәният үзәгендә «Рамил Курамшинсыз бер ел» дигән музыкаль хатирә кичәсе узды. Чарада күренекле баянчының замандашлары, иҗатташ дуслары, якташлары катнашты. Алар арасында халкыбызның яраткан җырчылары — Зөһрә Шәрифуллина, Гөлзадә Сафиуллина, Рабига Сибгатуллина, Азат Тимершәех, һәм әлбәттә танылган баянчылар,гармунчылар.
Рамил Курамшинның баян өчен язган күпсанлы пьесалары музыка мәктәпләрендә һәм училищеларда, Казан консерваториясендә башкарыла, аның исемендәге баянчылар һәм гармунчылар төбәкара конкурсы» кысаларында яшь башкаручылар тарафыннан яңгырый.
Әлеге чарада барлык артистлар риясыз катнашты. Чарадан каргән барлык табыш Рамил Курамшин җирләнгән Түбән Новгород өлкәсе Кызыл Октябр районы Кучкай Пожары авылы зиратында аңа таш кую өчен тотылачак.
