Көнчыгыш икътисади форумда Роспотребнадзор җитәкчесе Анна Попова грипптан вакцинация буенча бөтенроссия кампаниясен ачты. Ул Татарстанда да актив бара. Шул исәптән Җиңү проспекты кебек метро станцияләре янындагы вакцинация мобиль пунктларында да.
Хәзер сезонлы авыруларга каршы прививка ясату бик уңайлы. Эшкә барганда юл уңаенда яки сәүдә үзәкләрендә йөргәндә күчмә пунктта прививка ясатып була. Шуңа күрәдер теләүчеләр дә күп.
Процедура берничә минут вакытны ала. Пациентның язма ризалыгын алгач, табиб температураны, кан басымын үлчи, әгәр барысы да яхшы булса, прививка ясыйлар.
«Совигрипп» һәм «Ультрикс Кварди» вакциналары өлкәннәргә һәм балаларга туры килә. Шулай ук йөкле һәм хроник авырулары булган кешеләр өчен дә куркыныч түгел.
Хәзер эшләнгән прививка сезонлы авырулар күтәрелер алдыннан вакытында иммунитет формалаштырырга мөмкинлек бирә.
Ләлә Зәйнуллина, Инна Данилова, Искәндәр Төмәнев, Татарстан яңалыклары.
