Сентябрь аенда тормышыбызның төрле өлкәләренә, шул исәптән мәгариф һәм транспорт иминиятенә кагылышлы берничә закон үз көченә керде. Аларның кайберләре турында тулырак мәгълүмат.
Илнең барлык мәктәпләрендә уку елы гадәттәгечә, көндезге форматта, шулай да тантаналы линейкалардан башка башланды. Сентябрь аеннан башлап яңа кагыйдәләр һәм законнар нигезендә, барлык мәктәпләрдә дә укыту кабинетларын һәм ашханәләрне даими дезинфекцияләү мәҗбүри. Укытучылар, укучыларның тән температурасы үлчәнә, антисептиклар кулланыла. Ә менә битлек режимын югары уку йортларында гына калдырганнар.
Рухи һәм әхлакый кыйммәтләрне мәктәп эскәмиясеннән. Сентябрь аеннан балаларда патриотизм, гражданлык һәм өлкәннәргә карата хөрмәт тәрбияләү өчен барлык шартлар тудыруны йөкләүче яңа Федераль закон үз көченә керде. Ул барлык белем бирү программаларының бер өлеше булырга тиеш.
Хәзер кыз һәм ир бер туганнар бергә укыячаклар. Мәктәптә укучы яки балалар бакчасында тәрбияләнүче туганнары булган балалар ташламалардан файдалана. Социаль ярдәм алу хокукына ия булучылар социаль сертификатлар белән товарлар яки хезмәтләр өчен түли ала. Мондый оешмалар исемлеге билгеләнгән.
Кредит өлкәсендә дә үзгәрешләр бар. Кредитны вакытыннан алда түләп бетергәндә, бурычка алып торучы иминият килешүләрен өзәргә һәм үзенә иминият премиясен кире кайтарырга мөмкин. Үзгәрешләр шулай ук комырлы уеннарны оештыручыларга да кагыла, аларга танын да катгыйрак таләпләр куела.
Автомобиль хуҗалары өчен мәгълүмат. 5 сентябрьдән ОСАГО буенча тарифлар үзгәрә. Ул 2471 сумнан алып 5436 сумга кадәр булачак. Бу машина йөртүчеләрнең кагыйдәләрне ни дәрәҗәдә үтәүләренә бәйле. Ә менә диагностик картадан башка техник хезмәт күрсәтүне узу турында ОСАГО полисы килешүен төзү вакыты чыга.
