Хәзерге вакытка милек салымнарын Татарстанда яшәүчеләрнең дүрттән бере генә түләгән. Салым органнары вәкилләре искә төшерә: салым түләүнең соңгы вакыты-1 декабрьгә кадәр генә. Нибары өч атна вакыт калып бара. Бу хакта республика Хөкүмәте Йортында узган брифингта сүз барды. Тулырак киләсе репортажда.
Хәзер Татарстанда дистанцион рәвештә 700 мең кеше салым түли. Ел саен салым түләүчеләрнең шәхси кабинетына электрон хәбәрләр керү арта бара. Сирень Халикова, мәсәлән, салымнарны дәүләт хезмәтләре порталы аша түли.
Тик республикада яшәүчеләрнең күпчелеге фатир, автомобиль яки җир участогына салым квитанцияләрен тутырып, элеккечә үк түли. Фәридә Галимова да — шуларның берсе.
Шул ук вакытта быел салым ташламаларыннан бер миллион чамасы кеше файдаланган. Аларның тулаем суммасы — бер миллиард дүрт йөз миллион сум. Ә 2020 ел эчендә салым хезмәткәрләре конвертларда яки шәхси кабинетка 2 миллионнан артык белешмә -хәбәр җибәргән. Салымнарның гомуми суммасы 8 млрд. 100 млн.сум. Түләмәүчеләргә суд приставлары килә.
Әйтик, узган ел кыш башланганчы, татарстанлыларның 85 проценты салымнарын түләгән Ббу Идел буе федераль округында иң яхшы күрсәткеч. Быел бу күрсәткеч югарырак булыр, дип ышаналар салым хезмәткәрләре.
Инна Данилова, Владимир Юрков,Татарстан яңалыклары.
