3 көн дәвамында узачак Россия президентын сайлаулар көннәрендә республикада бәйрәм чаралары үтәчәк. Ул көннәредә ярминкәләр, урам театрлары чыгышлары, мастер-класслар, балалар өчен эстафеталар һәм гаилә фестивале оештырыла. Сайлау көннәрендә Казанда «Гаилә белән сайлыйбыз» фотобәйгесе кысаларында өч автомобиль уйнатылачак. Анда катнашу өчен, сайлау участокларында тавыш биргәннән соң, «Гаилә белән сайлыйбыз» дигән беләзек алырга кирәк. Шуннан соң гаилә белән фотога төшәргә һәм фотоны #ВсейСемьейНаВыборы #ТатарстанАлга дигән ике хештег белән «ВКонтакте» социаль челтәренә эләргә кирәк.
Сәламәтлек саклау министрлыгы белән берлектә 40 сайлау участогында «Сәламәтлек нокталары» эшләячәк. Гражданнар кан басымын үлчи, ЭКГ процедурасын үтә, шулай ук терапевт-табиб белән киңәш – табыш итә .
Сайлау участокларында тавыш бирүчеләргә таратылачак беләзекләр белән өч көн дәвамында гаилә чараларына, һәм җәмәгать транспортыннан бушлай файдалана ала. Тавыш бирүнең соңгы көнендә, 17 нче мартта, «Ак Барс Арена» стадионы территориясендә «Гаилә белән сайлыйбыз» концерты уза. Анда Ваня Дмитриенко, Хәбиб, «Иванушки International», «Кар-мэн» һәм «Хор Турецкого» төркемнәренең чыгышлары көтелә.
