Узган атнада республикабызның район-авылларында гөрләп Сабантуйлары узды. Елга бер тапкыр гына була торган милли бәйрәмебезне олысы да, кечесе дә зарыгып көтеп ала. Быел Буа Якутия кунакларын кабул итте. Шулай ук, бәйрәмгә Татарстан Премьер-министры урынбасары Ләйлә Фазлыева һәм авыл хуҗалыгы һәм азык-төлек министры Марат Җәббаров килде. Сабантуйлар мәйданчыкларында безнең хәбәрчеләребез дә булып кайтты. Сүзне аларга бирик.
Сабантуй — халыкыбызның борынгыдан килә торган мул уңыш җыеп алу өмете белән, үзара аралашу,күрешү һәм көч сынашу, җитезлегеңне, уңган-булганлыгыңны күрсәтү өчен тормыш мәйданы,олы бер бәйрәм булып санала. Аның күп гасырлык тарихы бар, үз гореф-гадәтләре,тәртибе һәм ркхы бүген дә сакланып калган.
Буа шәһәрендәге Сабан туена 5 меңнән артык кеше җыелды. Быел бәйрәмне гореф -гадәтләргә истә тотып үткәрделәр. Алдан ук барлык кунакларны да милли киемнән килергә чакырдылар. Әлеге фикерне буалылар актив хуплады: берничә ай дәвамында районда милли киемнәр ясау буенча мастер-класслар үткәрелде. Бүген мәйданга кунаклар костюмнар, чиккән күлмәкләр, камзул һәм түбәтәйләр киеп килделәр.
Милли хуҗалыкларны татарлар, руслар һәм чуашлар тәкъдим итте, аларның һәркайсында балалар өчен борынгы уеннар һәм йолалар оештырылды, алар арасында чабата, бура, пәке кебек онытыла язганнары да бар иде. Соңрак Сабантуйның үзәк сәхнәсендә артистлар Казан ханлыгын саклаучылар тарихын сөйләгән «Унике кыз риваяте» тәкъдим иттеде.
Элек электән сабантуйда милли бизәкләр белән чигелгән сөлге иң кадерле һәм кирәкле бүләк санала иде. Төп уеннар һәм ярышлар: атларда узышу, көрәш, йөгерүдә һәм җитезлектә ярышлар булды. Бүген дә әлеге уеннар һәм көрәшебез сакланып калган. Ә Буа районы моның шулай икәнлеген исбат итә.
***
Ул көнне бик күпләр үзләренең туган якларына Буа районының Яңа Тинчәле авылына ашкындылар. Сәбәбе дә зурдан, сагынып-көтеп алган Сабантуй бәйрәме бит. Олысы, көчесе, карты-яше дигәндәй “Бердәмлек” ял итү паркында җыелды. Бәйрәм Коръән Догасын укып башланды.
Яңа Тинчәле авылының тарихы бик бай, кызыклы һәм узенчәлекле. Бай тарихы белән еракларга китеп тоташкан Яңа Тинчәле авылының килеп чыгышы, театральләштерелгән тамашаның бер өлешен алып торды. Милли киемнәрдән киенгән егетләр- кызларның һәр хәрәкәтендә, үз-үзен тотышында милләтебезнең асылы, гүзәллеге чагылыш таба, яшәешебезгә көч бирә, киләчәккә өмет уята.
Һәр авыл, һәр җирлек -Хезмәт бәйрәмен авыл хужалыгы тармагындагы матур эшләре белән каршылый. Игенче-механизаторларыбыз жир куенына салган алтын бөртекләрдән мул уңыш алырга бетен мөмкинлекләр дә бар. Бөек Тукаебызчарак -Җил дә вакытында исеп, Яңгыр да вакытында яусын -дип телисе генә кала. СНХР. Радик Мадышев-Яңа Тинчәле авылы җирлеге башлыгы.
Сабантуй тынычылык, дуслык, бердәмлек бәйрәме. Сабантуй мәйданы дуслар очрашу урынына әверелеп, узенен кабатланмас бәйрәм рухы, дәртле көрәш, ат чабышлары һәм мавыктыргыч милли уеннары белән үзенә жәлеп итә. Бәйрәмдә борынгы гореф-гадәтләр, жыр-биюләр, йолалар, уеннар бер-берсе белән үрелеп барды.
Фәннур Хәсәнов, Ленар Хәбибуллин,Татарстан яңалыклары, Буа районы Яңа Тинчәле авылы.
