“Саба-Арена” спорт комплексы өстәл теннисы буенча Татарстан кубогына Бөтенроссия турниры узды. Спорт чарасы интеллектуаль кимчелекләре һәм терәк-хәрәкәт системасында тайпылышлары булган кешеләр өчен дә оештырылды. Тулырак Сабадан коллегаларыбыз әзерләгән репортажда.Кемнәр медальләр яулады? Өстәл теннисы — Җир шарында иң популяр спорт уеннарының берсе.
«Саба-Арена» да узган ярышта Татарстан шәһәрләре һәм районнарыннан кала, Россиянең башка өлкәләреннән килгән спортчылар да катнашты. Кемерово,Архангельск,Чиләбе,Мәскәү,Киров,Саратов өлкәләреннән һәм Башкортостан,Удмуртия республикаларыннан вәкилләр бар иде.
Ярышта катнашкан райондашларыбыз көндәшләренең бик көчле булуы турында да искәртте.
Бөтенроссия ярышына Татарстан Республикасы Инвалидлар спорт җәмгыяте рәисе Фәридә Сафиуллина да килгән иде. Ул районыбызда чараны оештыруга үз бәясен белдерде.
Татарстан шәһәрләре һәм районнарыннан килүчеләр дә кунакчыл сабалыларга рәхмәтле.
Балалар сәламәтләнсен өчен, аларга яшьтән спорт һәм физкультура белән шөгыльләнергә кирәклеген бар ата-аналар да аңласыннар иде.
