Роспотребнадзорның Татарстан буенча идарәсендә республика яшәүче һәр икенче кешегә гриппка каршы вакцинага заказ биргәннәр. Бу хакта «Татар-информ» мәгълүмат агентлыгында узган матбугат конференциясендә ведомство җитәкчесе урынбасары Любовь Авдонина сөйләде.
Хәзерге шартларда гриппка каршы вакцинацияне өстен куялар. Ике миллионга якын вакцинага заказ бирелгән. Ул тулы күләмдә килер дип өметләнәләр. Быел вакцинация сроклары кыска булачак. Ведомствода бер айга сыешырга планлаштыралар һәм ул сентябрьдә булыр дип ниятләнә. Бу грипп һәм ОРВИ белән авыручылар октябрь аенда артканчы өлгерү өчен эшләнелә. Сәламәтлек саклау министрлыгы белән гриппка каршы вакцина ясау компаниясенә әзерләнә башлаганнар. Чөнки яңа коронавирус инфекциясе фонында, барыннан да элек, гади инфекцияләрнең фонын киметергә кирәк, алар да гомуми авыруларга йогынты ясый.
