Кайбыч районының коммерцияле булмаган “Ышаныч, Өмет, һәм Мәхәббәт” үзәге эшчәнлеге Республика күләмендә дә танылу алды. Күптән түгел оешма җитәкчесе Надежда ЕрмолаеваТатартсан Рәисе Рөстәм Миңнеханов премиясенә лаек булды. Бу аларның 10 ел дәвамындагы даими эшчәнлеккә бәя. Ел саенәлеге оешма районда яшәүче гаиләләр белән бик күп чаралар үткәрә. Шуларның берсен хәбәрчебез Мөршидә Җиһан да күреп кайтты.
Гаилә ул игелек һәм мәхәббәт мәйданы дип аталган проект Кайбыч районында яшәүче гаиләләргә ярдәм итү максатыннан эшләнгән. Кайбыч районы тавышы дип аталган җырчылар фестивале шул прокт кысаларында оештырыла.
Әлеге фестиваль теләге булган һәр гаиләгә сәхнәгә менеп карау мөмкинлеге бирү белән аерыла.
Безнең оешма төрле юнәлештә эшли. Бүген Кайбыч районының авыл җирлекләрендә яшәүче гаиләләр өчен фестиваль үткәрдек. Һәр кеше үзенә күрә талантлы. Без аларга район сәхнәсендә чыгыш ясарга мөмкинлек бирәбез . алар барысы да җиңүчеләр
Фестивальдә катнашучыларның кайберләре сәхнәгә беренче тапкыр аяк баса.
Фестиваль-конкурста катнашучылар арасында җиңелүчеләр юк.Барысына да махсус дипломнар һәм бүләкләр тапшырыла. Гаилә кыйммәтләрен барлауда, әлеге конкурс зур этәргеч ди оештыручылар.
Мөршидә Җиһан, Ренат Сәхибгәрәев. Татарстан яңалыклары.
