Россия укучылары 29-нчы һәм 30-нчы июньдә беренчел, сынау имтиханнары узачак, алар барышында барлык процедуралар да сыналачак. Ә имтиханнар үзләре 3-нче июльдән старт ала — бу көнне география, әдәбият һәм информатика буенча бердәм дәүләт имтиханнары узачак. Барлык фәннәрнең көннәре экранда күрсәтелгән.
Июльдә җитди сәбәпләр аркасында бердәм дәүләт имтиханында катнаша алмаучылар өчен, августта имтиханнар уздыру өчен өстәмә чор каралган. Алар барысы да югары уку йортларына документларын тапшырырга өлгерә алырлык итеп төзелгән.Аларның көннәрен шулай ук экранда күрә аласыз.
Быел Бердәм дәүләт имтиханны югары уку йортларына керергә җыенган чыгарылыш укучылары гына бирәчәк. Шул ук вакытта барлык чыгарылыш укучыларын да агымдагы билгеләр нигезендә аттестациялиләр, үз аттестатларын алар БДИ тапшырмыйча гына алачак, дип хәбәр итә Республиканың Мәгариф һәм фән министрлыгы матбугат хезмәте.
Тугызынчы сыйныф укучылары өчен төп дәүләт имтиханын быел, 4-нче сыйныф укучыларын аттестацияләү кебек үк, гамәлдән чыгардылар.
