Габдулла Тукай исемендәге Казан аэропортыннан, пандемия башланганнан бирле, Халыкара беренче самолет рейсы очты. Туристларны Төркиянең Анталия шәһәренә китерде.
Росавиация пандемиядан соң Россиянең өч шәһәре, шул исәптән Казанга Халыкара рейсларны яңартуны килештерде. Роспотребнадзор оешмасы самолетларны кабул итү тәртибенә аңлатма бирде. Төп ике шарт куела – Татарстанда яшәүчеләр кайтыр алдыннан дәүләт хезмәтләренең бердәм порталында анкета тутырырга, ә өйгә кайтып җиткәч, өч көн эчендә мәҗбүри рәвештә коронавируска тест тапшырырга, мәгълүматны шулай ук портал аша хәбәр итәргә тиешләр. Кагыйдәләрне бозган очракта, 15 меңнән алып 40 мең сумга кадәр штраф салына.
