Бүген ТР Премьер-министры Алексей Песошин республика алдынгыларына Россия һәм Татарстанның дәүләт бүләкләрен тапшырды. Бүләккә барлыгы 49 кеше лаек булды. Чара Казан Кремлендә узды.
***
Әсгать Сәфәров: Шәймиев Казан Изге Ана иконасы чиркәвен яңадан торгызу проектының җаны булды.
Татарстан Президенты Рөстәм Миңнеханов 21 июльдә узган тантанада чиркәүне яңадан торгызуның, Борынгы Болгарны төзекләндерү белән бергә, татарстанлылар өчен хәтер һәм намус эше булуын билгеләп үткән иде.
Татарстан Республикасы Дәүләт Киңәшчесе, «Яңарыш» фондының Попечительләр Советы Рәисе Минтимер Шәймиев, проектны гамәлгә ашыру өчен команда туплап, Богородица монастыреның Казан Изге Ана иконасы чиркәвен яңадан торгызуга рухландырган кеше булды. Шәймиевнең чиркәүне яңадан торгызуда катнашучылар белән очрашуында Татарстан Республикасы Аппараты җитәкчесе Әсгать Сәфәров шулай дип белдерде.
Сәфәров искәрткәнчә, Татарстан Президенты Рөстәм Миңнеханов 21 июльдә узган тантанада чиркәүне яңадан торгызу, Борынгы Болгарны төзекләндерү белән бергә, татарстанлылар өчен хәтер һәм намус эше булуын билгеләп үткән.
«Татарстан Республикасының беренче Президенты, Россия Федерациясе Хезмәт герое Минтимер Шәрип улы Шәймиев әлеге бөек һәм изге эшнең чын мәгънәсендә җаны булды. Ул үзенең алдан күрә белүчәнлеге һәм зирәклеге белән фикердәшләр командасы туплады, безгә киңәшләрен бирде, проектчылар, төзүчеләр, археологлар, тарихчылар, галимнәр һәм хәйриячеләрнең эшен координацияләде», — диде ул.
Аппарат җитәкчесе билгеләп үткәнчә, чиркәүне яңадан торгызу эше Казан һәм Татарстан митрополиты Феофан, алга таба Владыка Кирилл белән тыгыз хезмәттәшлектә алып барылган.
«Һәм без максатыбызга ирештек. Биш елга сузылган тырыш хезмәт нәтиҗәсендә чиркәү үзенең беренчел рәвеше һәм бөтен матурлыгы белән безнең алга килеп басты», — дип искәртте Сәфәров.
Аның сүзләренчә, бу эшкә РФ Президенты Владимир Путин, Рус православие чиркәве һәм аның җитәкчелеге, бөтен Русь Патриархы Кирилл да югары бәя биргән.
