Илнең иң югары түрәләре пандемия башланганнан бирле беренче эш сәфәрләрен Татарстанда башларга булды. Республикага эш визиты белән Россия Хөкүмәте Рәисе Михаил Мишустин килде.
Россия Хөкүмәте башлыгы Михаил Мишустинның безнең республикага сәфәре Казанда – Татарстанның йогышлы авырулар хастаханәсенең яңа корпусын төзү мәйданчыгы белән танышудан башланды.
Төзелеш эшләре 18 ай эчендә тәмамланырга тиеш иде. Ләкин эшләр күпкә тизрәк бетәргә тора. Бу фикерне раслап, Татарстан Президенты Рөстәм Миңнеханов Инстаграмдагы сәхифәсендә төзелешне 100 көннән дә азрак вакыт эчендә тәмамларга планлаштырабыз дигән пост куйды. Рекорд вакыт эчендә төзелгән хастаханәдән тыш та Татарстанның казанышлары байтак.
Әлеге казанышларның кайберләре Иннополиста тәкъдим ителә. Аеруча Айти тармакны үстерүдә башкаларга да уртаклашырлык тәҗрибә тупланган. Өстәвенә, әле күптән түгел генә Россия Президенты Владимир Путин мәгълүмати технологияләр өлкәсе компанияләре өчен табышка салым ставкасын 20% тан 3% ка кадәр киметергә тәкъдим иткән иде. Күп компанияләр моңа әле әзер дә түгел, ә иннополис белгечләре табышның салым ставкасын өчтән икегә киметте. Бу исә өр-яңа мөминлекләр ача. Мәсәлән буларак җанатарларны дөньякүләм спорт чараларына кертү өчен уйлап чыгарылган иминлек җайланмасы. Шулай ук рәсәйкүләм видеоконференцияләр программасының аналогы яисә пациентларны реабилитацияләүнең роботлаштырылган системасы. Ә бу хакта тулырак мәгълүматны Иннополиста АЙТИ технологияләр темасына багышланган дискуссиядә Михаил Мишустин сөйләде
Россия Федерациясе премьер-министры Михаил Мишустин: «Без Россиядә IT өлкәсендә салым түләү күләмен киметү мөмкинлеген карыйбыз. Салым ике тапкырга диярлек кими. 14 % тан 7,6 процент калачак. Бу дөньякүләм базарда конкуренцияне арттыруга ярдәм итәчәк.»
Алдынгы компанияләр өчен грантлар, чит ил программалаштыру системасын Россиянең үз эшләнмәләре белән алыштыру. Болар барысы да бу өлкәдә эшләүчеләр санының кискен артуына китерергә тиеш. Бүген эшлекле сәфәр кысаларында Михаил Мишустин
«Алабуга» махсус икътисади зонасында Европа— Көнбатыш Кытай автомобиль юлы төзелеше буенча киңәшмә уздырачак.
Мөршидә Җиһан. Диана Василова. Илдар Галәветдинов.
***
Республикада эш визиты белән Россия Премьер-министры. Бүген Михаил Мишустин «Алабуга» махсус икътисади зонасына бара һәм Европа — Көнбатыш Кытай автомобиль юлы төзелеше буенча киңәшмә уздырачак.
