Республикада урманнарны кисүдән саклау акциясе башланды. Аның максаты – республикада законсыз агач әзерләү, ташу һәм эшкәртүне кисәтү һәм булдырмау. Әлеге чара 5 ноябрьгә кадәр дәвам итәчәк. Ай дәвамында мобиль патруль төркемнәре агач ташуның рәсми булу-булмавын тикшерәчәк. Рейдлар республиканың дәүләт урман инспекторлары һәм ЮХИДИ идарәсе хезмәткәрләре катнашында уза.
Исегезгә төшерәбез, агач материалын рөхсәт документларыннан тыш, транспорт белән күчергән өчен вазыйфаи затларга 30 меңнән алып 50 мең сумга кадәр, юридик затларга 500 меңнән алыа 700 мең усмга кадәр штраф салына. Ә урман ташу өчен кулланылган транспорт чаралары конфискацияләнә.
