Республика хастаханәсе, цифрлы клиника халыкара статусын алды. Медицина учреждениесе ярдәм күрсәтү процессын тулысынча заманчалаштырганы өчен премиягә лаек булды. Хәзер табиблар электрон мәгълүмат системасында эшли, ул үз чиратында ярдәм күрсәтүне бердәм система аша оператив рәвештә оештырырга мөмкинлек бирә.
Медицина картасы урынына — штрих-кодлы беләзек. Бу табибларга пациентны дәвалау юлын төзергә ярдәм итә. Анализларга бернинди амбулатор карталар кирәкми. Яңа мәгълүмати система кәгазьдән цифрга күчәргә мөмкинлек бирде.
Тикшеренүләрнең, ә аннары дәвалауның барлык мәгълүматлары бердәм мәгълүмат системасына кушыла. Ул пациентның хәлен белү диаграммасын автомат рәвештә төзи.
Шәфкать туташларында да күчмә эш урыны барлыкка килде. Кул астында ноутбук кына түгел, дарулар һәм ярдәм күрсәтү өчен кирәк-яраклар. Препаратларны махсус тартмаларда тараталар. Аларның һәркайсында – штрих код бар.
Системаны узган ел ахырында кертә башлыйлар. Ул тоткарлыксыз һәм бөтен хастаханә территориясе буйлап эшләсен өчен — 120 чакрым кабель салынган һәм 500 дән артык вай-фай нокталары монтажланган.
Цифра программа пациентларның һәм табибларның куркынычсызлыгын тәэмин итәргә мөмкинлек бирә. Һәр бүлеккә танып белү системасы урнаштырылган. Ул авыруның беләзеген һәм медицина хезмәткәре сурәтен сканерлый, әгәр керү мөмкинлеге булса, ишек ачыла.
Моны чит ил экспертлары бәяләде һәм республика хастаханәсенә цифрлы клиниканың халыкара сертификаты бирелде. Республика клиник хастәханәсе Россиядә мондый статуска ия булган икенче медицина учреждениесе.
Алия Галиуллина, Фирүзә Насыйрова, Ленар Хәбибуллин, Татарстан яңалыклары.
