Республика авыл хуҗалыгы һәм азык-төлек министрлыгының еллык коллегия утырышы узды. Узган ел Татарстан аграр өлкәдә Россия төбәкләре арасында яхшы гына уңышларга иреште. Коллегиядә Тат арстан президенты Рөстәм Миңнеханов катнашты. Ә утырыш алдыннан агросәнәгаь күргәзмәсе белән танышты. Татагроэкспо күргәзмәсен оештыру — Республика фермерлары өчен еллык төп вакыйгаларның берсенә әйләнде. Анда авыл хуҗалыгындагы казанышлар тәкьдим ителә.
Казан экспо комплексының ике павильоны территориясендә иң алдынгы техник, химик, конструкторлык үрнәкләре тәкьдим ителде. Күргәзмәдә Татарстаннан, Россиянең башка төбәкләреннән һәм чит илләрдән 150дән артык экспонат урын алган. Техниканың уникаль үрнәкләрен күрергә мөмкин. Беларус тракторы Алабугада эшләп чыгарылган. Двигателе үзәртелгән, аны сыегайтылган табигый газда эшләүгә күчергәннәр.
Авыл хуҗалыгы һәм азык-төлек министрлыгы коллегиясендә еллык эшкә йомгак ясалды. Татарстан элеккечә аллдынгылыкны саклап калды, сөт җитештерүдә Россия төбәкләре арасында лидерлык итә. Башка тармакларда да алга китеш күзәтелә.
ТР Авыл хуҗалыгы һәм азык-төлек Министры Марат Җаббаров: «Терлек һәм кош ите җитештерү артты. 517 мең тонна. Бу күрсәткеч буенча Россия төбәкләре арасында сигезенче күрсәткеч. Монда кош ите җитештерүчеләрнең өлеше зур.»
Үсемлекчелектә проблемалар бар. Татарстан фермерлары ел саен кондициясез орлыклар чәчү сәбәпле, 300 мең тонна бөртек югалта. Ашламалар җитешмәү дә кыенлыклар тудыра, моннан туфрак зыян күрә.
Татарстан Республикасы Президенты Рөстәм Миңнеханов : «Җиргә җир итеп кенә карамаска, ә сакчыл караш кирәк. Уд юккка чыкса, могҗиза булмаячак. Ул безгә һәм киләчәк буыннарга файда китерергә тиеш.»
Рөстәм Миңнеханов үзенең чыгышында Россия президенты куйган бурычларны да билгеләп үтте. Безгә чит илләргә товар чыгаруны җайга салырга, шулай ук булоганнарны саклап калырга кирәк. Коллегия утырышында алдынгыларны бүләкләделәр. Исемлектә беренче булып Айрат Хәйруллинның фамилиясе иде. Аны бүләкләү турында 30 декабрьдә үк имзаланган булган. Ә бүләкне улы өчен әтисенә тапшырдылар.
Булат Шакиев Владимир Юрков.
