Татарстанда якташлык җәмгыятьләре эшчәнлеге елдан ел активлаша бара. Бер-берсенә үрнәк булып туган төбәкләренә ярдәм итеп яшиләр. 30 еллык тарихы булган Апас якташлык җәмгыяте эшчәнлеге дә сокланырлык. Рамазан аенда юбилейны ифтар мәҗлесе итеп оештырганнар. Тулырак Мөршидә Җиһан репортажында
Ирек хәзрәт Җиһаншин Апас якташлык җәмгыяте оештырган ифтарның берьюы өч сәбәбе булуын хәерле гамәл дип билгеләп үтте. Чыннан да соңгы елларда гомер бәйрәмен корьән мәҗлесе үткәреп уздыру гадәттә кереп бара. Ә бу юлы Апас Якташлык җәмгыяте оешуга утыз еллык вакыйга ифтар белән дә, әлеге җәмәгать оешмасының терекөмеше булган Наил Галиуллинның туган көне белән дә туры килгән. Кичә барышында күбрәк якташлык җәмгыятенең тарихы, аның үзәгендә кайнаган шәхесләре турында сөйләделәр.
Максатны куя белергә дә кирәк. Җиң сызганып эшләргә этәргеч ул. Казандагы “Апас“ якташлар җәмгыяте 1993 елда оеша. Аның беренче Президенты булып, тумышы белән Коштавылыннан Шәүкәт Кәлимуллин сайлана. 1995 елда әлеге вазифа Мансур Мифтаховка йөкләнә . аннан Хәлим Гайнуллин җитәкчелек итә. Ә 2011-2020 елларда якташлык җәмгыятенең президенты Азат Хәнифәтуллин сайлана.
Әнә шул гомер буе эш ярдәм дигәндә юк дип әйтә белмәве сәбәпле Наил Галиллин Апас якташглык җәмгыятьнең бүгенге җитәкчесе Марат Нуриев белән дә уртак тел табып эшлиләр.
Катнашып кына калмый Наил Галиуллин якташларга ярдәм чараларын башлап йөри. Бу аның кечкенәдән әти-әнисеннән сеңгән тәрбия.
Зал тутырып чыгыш ясаучылар арасында Апас ягыннан чыккан артистлар да, әдәбият- сәнгать әһелләре дә бар иде.
Яхшылык эшлә дә суга сал , халык белмәсә балык белер дибез. Якташларын бертуктаусыз кайгыртып яшәүче әлеге оешма , бигрәк тә Наил Галиуллины барысы да ярдәмчеҗл дип сыйфатлый.
Яшәү рәвеше булганга күрә , шушы ифтар оештырылган . гаиләсе , оныклары да дини тәрбияне күреп үсә.
Ифтарда катнашкан Татарстанның халык артисты Илсур Сафин да якташларына, Наил Галиуллинга бик рәхмәтле.
Менә шундый үз туган ягын яратып, кайгыртып яшәгән кешеләрне берләштерә ул якташлык җәмгыятьләре Башкаларга яхшылык кылган кешенең күңеле игелекле була.
Мөршидә Җиһан, Ирек Хәмидуллин Татарстан яңалыклары.
