Рамазан аенда, башка айларга караганда, сәдакага әҗер-савап күбрәк бирелә дип искәртелә хәдисләрдә. Ә сәдака ул акча гына түгел, ул мохтаҗларга ярдәм кулы сузу да. Рамазан аенда “Рамазан” мәчетенә нинди бүләк ясаганнар, хәбәрчебез Мөршидә Җиһан күреп кайтты.
Тиздән 30 еллыгын бәйрәм итәргә җыенган Рамазан мәчетендә бүген шатлыклы вакыйга. Намаз залында искергән тәрәзләрне төзекләндерәләр, кайберләре яңага алыштырыла. Һәрхәлдә әлеге мәхәллә мөселманнары өчен ул күптән көтелгән игелекле гамәл.
Рамазан мәчете Сәйяр Айдаров проекты нигезендә төзелгән. Ерактан ук балкып торган ярымайлары да узган рамазан аенда яңарлыган иде. Тәрәзәләре дә гает бәйрәменә өр-яңа була. Ә яңарту эшләрен Наил Вафин җитәкчелегендәге тимер эшкәртү берләшмәсе башкара.
Шул ук җәмгыять хезмәткәре Хагани Гашимов тәрәзәләрне заманча өлгеләр калыбында эшләдек дип аңлатты. Яңартылган тәрәзәләрнең хәзер җилләтүдән тыш тулысынча ачу мөмкинлеге дә бар. Димәк, юу өчен уңайлы. Рамазан мәченәдә уңайлыкларны булдыручы иганәчеләре , ярдәм кулы сузучылары арасында Буа якташлык җәмгыятенең дә өлеше зур.
Мөршидә Җиһан, Ленар Хәбибуллин. Татарстан яңалыклары.
