Татарстанда М12 трассасы участогы төзелешендә эш темпын арттырырга кирәк. Төзелеш барышын Россия вице-премьеры Марат Хөснуллин һәм Татарстан Президенты Рөстәм Миңнеханов бәяләде. Трасса Мәскәү,Түбән Новгород, Казан шәһәрләрен тоташтыра. Тулырак мәгълүмат киләсе репортажда.
Дүрт полосалы тиз йөрешле трасса Иделнең уң һәм сул як ярларын тоташтыра. Тиздән биредә транспорт хәрәкәте башлана. Төзелешне мөмкин кадәр тизрәк тәмамлау өчен эшләр бер туктаусыз алып барыла.
Объектны төзү темпларын Татарстан Президенты Рөстәм Миңнеханов, Россия вице-премьеры Марат Хөснуллин бәяләде.
Татарстанда Идел аша салына торган икенче күпер республиканың Югары Ослан һәм Лаеш районнарын тоташтыра. Ул М-12 магистраленең төп обьектларының берсе була. Трасса Мәскәү,Түбән Новгород, Казан шәһәрләрен тоташтыра.
“Проект катлаулы, мондый обьектлар күп еллар дәвамында төзелә. Без аны 3 елда төзеп бетергә исәплибез”, –дип билгеләп үтте Марат Хөснуллин. Киләчәктә трасса зур проект – Европа белән Көнбатыш Кытай арасындагы юл коридорының бер өлеше була. Ул Санкт-Петербуог, Мәскәү, Казан, Екатеринбург, Чиләбе, Төмән, Новосибирск, Иркутск, Чита шәһәрләрен тоташтыра.
Диана Дасаева, Татарстан яңалыклары.
