Татарстан Президенты Рөстәм Миңнеханов һәм Дәүләт Киңәшчесе Минтимер Шәймиев Казанда»Адымнар» күп телле белем бирү комплексы укытучыларын һөнәри бәйрәмнәре белән котладылар. Очрашу барышында Президент тармак ветераннарын яшь укытучыларга ярдәм итүләрен, аларга остазлык үрнәге күрсәтүләрен сорады. Теманың дәвамы киләсе репортажда.
Лицейның исеме күптелле булуны таләп итә. Инглиз, башка чит телләр, шулай ук татар һәм рус телләреннән тыш, биредә һөнәрләргә дә, тәмле ризыклар пешерергә өйрәтәләр, тәнәфесләрдә укучылар шахмат та уйныйлар.
Тормышта төгәл фәннәр бик кирәк. Үз көчеңә ышанырга спорт белән шөгыльләнү булыша. Күптелле комплексның Бондаренко, Бичурин урамнарында да спорт залларына, бассейннарга, гимнастика залларына кытлык юк.
Бу мәктәптә, бер яктан, барысы да күз алдында: ишек һәм диварлар үтә күренмәле. Ә икенче яктан-барысы да өйдәге кебек уңайлы. Махсус торбалар аша аска шуып төшү яки үзенчәлекле баскычтан өскә күтәрелү укучыларга ял итәргә мөмкинлек бирә.
Күптән түгел Казан федераль университетын тәмамлаган, ә хәзер физика укытучысы Гадилә Кәримова мондый шартларда эшләү-шатлык, ди. Әлегә ул үз фәнен бары рус телендә генә укыта. Ә планнары зурдан.
«Адымнар » күптелле комплексының физика укытучысы Гадилә Кәримова: «Мин фәнне күп телләрдә, шул исәптән инглиз һәм татар телләрендә дә укытыргарга омтылам. Мин хәзер бу өч телдә укыту процессында.»
Ярты гасырлык стажлы укытучы Вера Михайлова-пенсиядә. «Адымнар»төзелеп беткәнче, лаеклы ялга китүенә үкенә. Шатланырга да урын бар, оныгы Мирослав биредә беренче сыйныфка укырга кергән.
Пенсионер, элеккеге рус теле һәм әдәбияты укытучысы Вера Михайлова: «заманча яшьләр чит телләргә ия булырга тиеш. Рус, татар телләрен белергә. Укытучылар бирә торган барлык фәннәрне дә белү мөһим. Шул ук вакытта аларның тормышта һәр балага күнекмәләр бирүләре — аларны тормышка әзерләүләре дә кирәк.»
Укытучылар көнендә Татарстан Президенты Рөстәм Миңнеханов һәм Дәүләт Киңәшчесе Минтимер Шәймиев белән чәй табыны янында әнә шул хакта сөйләштеләр.
Татарстан Республикасы Президенты Рөстәм Миңнеханов: «Укытучыларсыз мәктәпл ноль ул. Без матур мәктәп эшли алабыз. Коллектив булмаса, җитәкче дә, уку материалы да юк. Минемчә, 90 процентны укытучы хәл итә, ә калганы башка шартларга бәйле.»
Татарстан Республикасы Дәүләт Киңәшчесе Минтимер Шәймиев: » Минем гомерем буе грамматиканы бозарга омтылышым бар иде-укытучы сүзен зур хәрефкә язарга өйрәнү. Искәрмә буларак, һәрвакытта да. Чөнки укытучылар әле язу кермәгән чорда да булган.»
Белем дөньясына илһамландыру, анда алып керү – табигатьтән бирелгән бүләк, сәләт ул.
Фәнис Мәхәммәтов, Инна Данилова, Ирек Хәмидуллин, Татарстан яңалыклары.
