Татарстан Республикасы Президенты Рөстәм Миңнеханов бер көнлек эш сәфәре белән Чечен Республикасында булды.
«Грозный» халыкара аэропортында аны Чечня башлыгы Рамзан Кадыйров каршы алды. Рөстәм Миңнеханов һәм Чечен Республикасы Башлыгы Рамзан Кадыйров Сәүдә-икътисадый, фәнни-техник һәм мәдәни хезмәттәшлек турында Татарстан Республикасы белән Чечен Республикасы арасында килешүне гамәлгә ашыру чаралары планына кул куйдылар.Рөстәм Миңнеханов Рамзан Кадыйровка Татарстанның дәүләт бүләген – «ТАССР төзелүнең 100 еллыгы» медален тапшырды. Чечен Республикасы Башлыгы Рамзан Кадыйров Рөстәм Миңнехановны «Чечен Республикасының Беренче президенты Әхмәт-Хаҗи Кадыйров истәлегенә» медале белән бүләкләде.
