Һәр ел саен Николай Иванович Фешин исемендәге Казан сынлы сәнгать училищесенда Татарстанның сәнгать мәктәпләрендә эшләүче укытучы-рәссамнар өчен конференцияләр үткәрелә. 2021 елгы конференциянең темасы “Композиция” темасын укыту: проблемалар һәм аны чишү юллары”. Тулырак Фәннур Хәсәнов видеоязмасында.
Әлеге конференциядә чыгыш ясаучылар үзләренең программалары турында сүз алып бардылар, Сынлы сәнгать, декоратив-кулланма сәнгать, архитектура, дизайн турындагы яңалыклар белән уртаклаштылар. Көндәлек тормышта күзаллау; укучыларны реалистик рәсемнәр элементларының нигезләре турындагы белемнәр белән коралландыру, аларда натурадан, хәтер, күзаллау буенча рәсем ясау күнекмәләре формалаштыру, Рәсем сәнгатенең композиция бүлегендәге яңа ысулларның барлыкка килүе турында мәгълумәтләр бирделәр, хаталарны ачыклау һәм төзәтү турында сөйләштеләр.
Әлеге конференция һәрбер укытучыга ниндидер өстәмә белем, яңалык, укыту процессында кирәкле мәгълумәт бирәчәк. Ни өчен быел композиция темасын алдык? Әлеге тема ул катлаулы тема, өч зур бүлекне берләштерә, балаларга дөрес итеп аңлаткан очракта гына хаталар аз булачак. Миңа калса бик кирәкле конференция.
Соңрак, барлык чыгышлар да тупланып, китап итеп бастырылачак, һәм сәнгать мәктәпләренә таратылып, укыту программасына кертеләчәк.
Фәннур Хәсәнов, Дамир Мөхәммәтханов. Татарстан яңалыклары.
