Владимир Путин «Александр Невский: Көнбатыш һәм Көнчыгыш, халыкның тарихи хәтере» XXIX Халыкара белем бирү укуларында катнашучыларга һәм кунакларга мөрәҗәгать итте. Бу хакта Кремль сайтында хәбәр ителә.
Россия Президенты билгеләп үткәнчә, форум ел саен хакимият органнары, граждан җәмгыяте институтлары, чиркәү һәм башка диннәр вәкилләрен бер урында җыя.
Шулай ук Путин ассызыклаганча, әлеге форум князь Александр Невскийга багышланган. Невский чын патриот булган, аларның гамәлләре, холкы һәм Ватанга мәхәббәт борынгы рус язмышын һәм алга таба Россия дәүләтчелегенең формалашуын билгеләгән.
Дәүләт башлыгы билгеләп үткәнчә, заманнар бәйләнешен ныгытырга һәм милли геройларның батырлыгына сакчыл карарга кирәк.
XXIX Халыкара белем бирү укуларының финал этабы 16-19 майда Мәскәүдә уза. Быел алар князь Александр Невскийның тууына 800 ел тулуга багышланган.
