Россия Президенты Владимир Путин коронавирустан төгәл ревакция узачак, әмма сроклар турындагы карарны антител дәрәҗәсеннән чыгып кабул итә. Бу хакта дәүләт башлыгы матбугат секретаре Дмитрий Песков «Россия-1» телеканалы эфирында хәбәр итә.
«Мин моңа шикләнмим. Бу очракта барысы да белгечләр Советыннан тора», — диде Песков, журналистның Путин ревакциация үтәрме, дигән соравына җавап биреп.
Песков искәртеп узганча, президент берничә тапкыр әйткәнчә, аның антител титрлары бик югары дәрәҗәдә.
«Медицина хезмәткәрләренең титр һәм рекомендацияләрен исәпкә алып, ул карар кабул итәр дип уйлыйм», — дип өстәде Президент матбугат секретаре.
Искәртеп узабыз, Путин коронавирустан язын, Россия «Спутник V»препаратын кулланып, прививка ясаган иде. Сентябрь аенда ул үз-үзен изоляцияләүгә киткән, чөнки аның әйләнә-тирәсендә яңа инфекция йоктыру очраклары ачыкланган. Президент үзе прививка ясатканнан соң, антительләрнең югары дәрәҗәсе аркасында авырып китмәвен әйтте, ләкин барысына да вакытында ревакцинация үтәргә киңәш итте.
