«Татарстан — бик көчле перспективалы төбәк, ул «бик күпне тәкъдим итә ала», — дип белдерде Россия Президенты Владимир Путин.
«Мин сезнең хәзер Казанда булганлыгыгызны беләм. Без Казан белән горурланабыз, бу искиткеч шәһәрнең ничек үсүе белән горурланабыз. Сез дә үз тәэсирләрегез белән уртаклашырсыз дип ышанам. Беләм, бу танышу гына түгел, ә эшлекле сәфәр дә, сезнең сәфәрнең эшлекле өлеше дә иде», – диде Путин үзбәк лидеры Шәүкәт Мирзияев белән сөйләшү вакытында.
Үзбәкстан Президенты аңа III Төбәкара хезмәттәшлек форумының тәэсирле нәтиҗәләре турында хәбәр итте. Форум 4 октябрьдә Татарстан башкаласында узды.
Исегезгә төшерәбез, Мирзияев Россиягә рәсми визит белән килде һәм сәфәрен Казаннан башлады. Казан Кремлендә ул Татарстан Рәисе Рөстәм Миңнеханов белән очрашты.
