Путин югары уку йортларында максатчан белем алу турындагы шартнамәләрнең шартларын тикшерүне йөкләде. Россия Президенты Владимир Путин Генпрокуратурага төбәкләрне РФда максатчан белем алу турында шартнамәләр төзү шартларын үтәүне тикшерергә кушты. Бу хакта Кремль матбугат хезмәтендә хәбәр иттеләр.
«Россия Федерациясе Генераль прокуратурасында максатчан белем алу турында шартнамәләр төзү тәртибен һәм шартларын билгеләүче Россия Федерациясе субъектларының норматив хокукый актларын максатчан укытуны оештыру мәсьәләләрен җайга салучы Россия Федерациясе законнары таләпләренә туры китерүне тикшерү үткәрергә», — дип күрсәтелгән йөкләмәдә.
Доклад 2021 елның 25 декабренә кадәр тәкъдим ителергә тиеш.
Моннан тыш, Россия лидеры РФ хөкүмәтенә бакалавриат программаларының аерым дисциплиналары буенча дәреслекләргә экспертиза оештыру мәсьәләләрен хәл итәргә кушты.
