Россия Президенты Владимир Путин Хөкүмәткә яңа коронавирус штаммы — «омикрон»таралуны булдырмау буенча гамәлләр стратегиясен әзерләргә кушты. Бу хакта Кремль сайтында хәбәр ителә.
«Халыкны коронавирус инфекциясе (COVID-19) авыруыннан яклау максаты белән, Россия Федерациясе территориясендә SARS-CoV-2 вирусының яңа штаммы таралуны булдырмауга юнәлтелгән гамәлләр планын эшләүне тәэмин итәргә», – диелә Президент йөкләмәсендә.
Документ тексты нигезендә, Россия Хөкүмәте 7 декабрьгә кадәр Covid-19га каршы диагностика һәм вакциналар системасының нәтиҗәлелеген арттыру стратегиясен тәкъдим итәчәк.
«Омикон»коронавирусының яңа штаммын Гарәп Әмирлекләрендә күптән түгел генә ачыклаганнар. Башлангыч мәгълүматлар буенча, ул «дельта»штаммына караганда тизрәк тарала.
Элегрәк ТР Сәламәтлек саклау министрлыгында Татарстанның яңа коронавирус штаммы белән көрәшкә әзерлеген бәяләделәр.
