Россия Президенты Владимир Путин 2022 елда Хезмәткә түләүнең минималь күләмен аена 13 890 сумга кадәр арттыру турындагы законга кул куйды. Документ хокукый мәгълүматның рәсми порталында урнаштырылган.
2021 елда минималь хезмәт хакы күләме 12 792 сум тәшкил итә.
«Минималь хезмәт хакы күләмен 2022 елның 1 гыйнварыннан аена 13 890 сум күләмендә билгеләргә», — диелә законда.
18 ноябрьдә социаль мәсьәләләр буенча киңәшмәдә чыгыш ясаганда, Путин билгеләп үткәнчә, киләсе елга федераль бюджет проектында яшәү минимумын 2,5% ка индексацияләү каралган, әмма бу гына җитми. Дәүләт башлыгы 2022 елга яшәү минимумының югары планкасын билгеләргә, инфляция белән чагыштырганда, аны узып киткән темплар белән 8,6% ка арттырырга тәкъдим итте. Абсолют саннарда, тулаем алганда, ил буенча яшәү минимумы аена 12 мең 654 сумга кадәр артырга тиеш.
Президент Россия Конституциясендә минималь хезмәт хакы яшәү минимумыннан ким була алмый, дигән норма беркетелгән, димәк, яшәү минимумы күләмен индексацияләү белән бергә, минималь хезмәт хакы да 8,6% ка артырга тиеш (абсолют саннарда якынча 1 100 сумга).
