Татарстан Президенты Рөстәм Миңнеханов Казанның Киров районында ишегалларын төзекләндерү белән танышты.
Алар «Безнең ишегалды» республика программасы буенча тәртипкә китерелә. Алдан планлаштырганда җәяүлеләргә уңайлыклар тудыру игътибарга алынды. Йортлар янында яңа куркынычсыз тротуарлар формалаштырылган, ишегалды территориясе яктыртылырга тиеш.
Рөстәм Миңнехановны эшләрнең хәзерге этабы белән таныштырдылар. Күп функцияле балалар мәйданчыгын, юлларны төзекләндерү дәвам итә. Шулай ук проектта заманча урам җиһазлары һәм велопарковка урнаштыру каралган. Эшләрне быелның өченче кварталында тәмамлау күздә тотыла.
Исегезгә төшерәбез, 2021 елда республикада барлыгы 1074 ишегалдын ремонтлау күздә тотыла, шуларның 223 – е Казанда. «Безнең ишегалды» программасының агымдагы елга гомуми бюджеты — 8 миллиард.сум.
