Безнең телерадиокомпания Русфонд хәйрия җәмгыяте белән берлектә, авыру балаларга ярдәм акциясен дәвам итә. Бүген Питрәч районыннан Вика Гатауллина тарихы. Сабый кыска эчәк синдромыннан интегә. Ул система аша тукланырга мәҗбүр. тернәкләнү курсын уза. Кызга берничә төрле дару, шприцлар, башка материаллар кирәк.
Викага нибары 5 айлык кына әле, тик шуның 4 аен хастаханәдә үткәргән. Беренче операцияне аңа туганнан соң нибары берничә сәгатьтән соң ясаганнар, ә тагын ике операция, шулай ук клиник үлем дә кичергән. Кызга кыска эчәк синдромы диагнозы куелган. Аның организмы нормаль ризыкны үзләштерми диярлек.
Әнисе Юлия Белан Виканың : «апрель аенда өйгә кайткан идек. Өйдә 2 көн генә яшәдек. Чөнки баланың күңеле болганды, кәефе начар иде. Ахыр чиктә без апрельнең 27сеннән 28енә каршы төндә кабат хастаханәгә эләктек.
Виканы даими рәвештә диярлек система аша тукландыралар. Табиблар акрынлап аның күләмен киметәләр, ә гадәти ашамлыклар күләмен арттыралар. Хәзер сабый көнгә 75-80 грамм чамасы катнашма ашый. Хәле җиңеләя бара, шулай да савыктыру өчен вакыт һәм акча кирәк.
Участок табиб-педиатры Яна Еремина:«без бер елдан баланың ашказаны- эчәк системасы тулысынча гадәти азыкны кабул итә башлар дип өметләнәбез. Тик моның өчен, аның әти-әнисенең сабырлыгы һәм кайгыртуы белән беррәттән, кыз көн саен кыйммәтле дару препаратларына, витаминнарга, башкача тәрбия чараларына мохтаҗ.»
Кызга берничә төрле дару, шприцлар, башка материаллар кирәк. Барысы өчен 1 миллион 170 мең сумнан артык акча таләп ителә. Без Викага сезнең белән бергәләп ярдәм итә алабыз. Моның өчен 5542 номерына ДЕТИ сүзе белән СМС хәбәр җибәрү дә җитә. Бер хәбәрнең бәясе 75 сум. Ә күбрәк өлеш кертергә теләүчеләргә тулырак мәгьлүмат безнең телерадиокомпания һәм Русфонд сайтларында.
Мурат Метшин, Дамир Мөхәммәтшин, Татарстан яңалыклары, Питрәч районы.
