Чыгарылышыбызны Питрәч районында килеп чыккан фаҗигадән башлыйбыз. Янгында дүрт кешенең гомере өзелә. Әлеге Фаҗига бик күп кешеләрне тетрәндерде. Гаиләдән өч кыз һәм әтиләре ут эчендә кала, бары тик әнисе һәм кече яшьтәге улы гына исән кала алган, алар хәзер хастаханәдә, аларга ярдәм кирәк.
Сыйныфташының фаҗигале үлеменә ул һаман ышана алмый.Хәзер ул укыган мәктәбкә чәчәкләр китерәләр. Кызганычка каршы, балалар һәм укытучылар өчен бу котычкыч хәл, сүз табуы авыр ди алар.
Шул ук мәктәпкә уртанчы кызлары да йөргән, ул беренче сыйныфта укыган, ә иң кечесе янәшәдәге бакчага йөри торган була.
Янгында өч кызлары һәм әтисенең гомере өзелә. Гаиләдән әниләре һәм бердәнбер уллары гына исән кала.
Бирегә кайгы уртаклашырга киләләр, чәчәкләр һәм йомшак уенчыклар китерәләр. Ярдәм итәргә тырышалар, исән калганнарга-берьюлы берничә ярдәм җыю игълан ителә, алар барысы да әнисенең абыйсына җибәреләчәк. Телефон номеры экранда күрсәтелгән. Ял көннәрендә җыештыру эшләре буенча ярдәм итәргә теләүчеләр дә бар.
Гаилә бик күп мал-туар асраган, берничә мәче һәм кош-кортлары булган, хәзер барысы да күршеләрдә вакытлы асрауда. Бердәнбер этләре бирешмәгән, ул көннәр буе монда хуҗаларын көтә. Тик, алар кайтуын бик озак көтәргә туры килә.
Алия Галиуллина, Булат Шакиев, Альберт Сафиуллин, Татарстан яңалыклары.
