Безнең телерадиокомпания Русфонд хәйрия җәмгыяте белән берлектә авыру балаларга ярдәм йөзеннән проектны дәвам итә. Узган юлы сез игезәкләр Ульяна һәм Милана Кузнецоваларга ярдәм иттегез. Моның өчен барыгызга да рәхмәт. Бүген 13 яшьлек Петр Алексеевның авыру тарихы. Малайның умыртка баганасында сколиоз бар. Корсет ярдәмендә ике еллык терапия курсын узу таләп ителә. Гаилә бездән ярдәм көтә.
Бу процедураны 13 яшьлек Петр Алексеев икенче тапкыр уза. Сколиоз диагнозын дүрт яшендә куйганнар, тик мәктәпкә укырга кергәнче дәвалау курсын билгеләмәгәннәр. Кечкенә Петяны савыктыру белән әнисе шөгыльләнгән.
Улымның хәле яхшырды. Соңгы вакытта ул буйга үсеп китте. Бераз бөкрәеп йөри иде,хәзер туры йөри. Гел табиблар күзәтүендә булды.
Малайга беренче корсетны узган ел кидергәннәр. Бу аның гәүдәсен турайтырга булышкан. Дәвалау физкультурасын уза, массаж ясап торалар. Петр җиденче сыйныфны тәмамлаган. Ул физкультура дәресләреннән азат ителгән, шулай да дуслары белән футбол уйный. Бассейнга йөри башлаган.
Яз көне Петя буйга нык үскән , корсет гәүдәсенә кысан. Хәзер аңа яңа корсет сатып алырга кирәк. Моннан тыш, малайга ике елга терапия узарга тәкъдим ясаганнар. Ул ярты миллион сумга төшә.
хәзер малайны комплекслы тернәкләндерү терапиясе белән тәэмин итсәк, без аның реабилитация мөмкинлекләрен күпкә арттырабыз. Шул очракта аның физик хәле өчен күп еллар алга нигез салабыз.
Без Петрга бергәләп ярдәм итә, аның хәлен җиңеләйтә алабыз. Моның өчен 5542 номерына ДЕТИ сүзе белән СМС җибәрү дә җитә. Бер хәбәрнең бәясе-75 сум. Күбрәк өлеш кертергә теләүчеләр өчен тулырак мәгълүмат безнең т елерадиокомпания һәм Русфонд сайтларында.
