Патриотик тәрбия, заманча яшьләр сәясәтенең төп юнәлешләре hәм әhәмиятле «Инвестицион агым» проекты — Идел буе Закон чыгаручылары ассоциациясенең 69 нчы утырышының төп темалары шулар иде. Кировта бу мөһим темаларны округ парламентлары башлыклары тикшерде. Фәрит Мөхәммәтшин Татарстан тәҗрибәсе белән уртаклашты. Ә утырышка кадәр кировлылар яшьләргә гаджетларга һәм урамга альтернатива тәкъдим итәргә мөмкин булуын күрсәттеләр.
Нәкъ менә Кировта космоска очучыларның атасы дип саналучы әле бөтенләй яшь Константин Циолковский яшәгән. Космонавт-вятич Виктор Савиных ярдәмендә балалар космик үзәге белән заманча музей бүген көн саен йөзләгән яшьләрне җәлеп итә. Парламентарийларга төбәкнең патриотик үсеше — Бөек Ватан сугышы музейлары экспонатлары, даими яшьләр акцияләре, махсус хәрби операциядә катнашучылар белән турыдан-туры аралашуны күрсәттеләр.
Яшьләрне космос һәм фән белән генә дә мавыктырып булмый. Авылда тормышны ничек кызыклы итәргә һәм шәһәрнекеннән ким булмаган шартлар тудырырга. Нократ дәүләт университетының Инженериумында төбәкнең беренче авыл яшьләре слетында катнашучылар белән очрашу. Берничә көн алар гамәли проектлар уйлап табып — Мәдәни агарту мәйданчыгы, авылда хезмәт күрсәтү өлкәсен үстерү, авыл территорияләре брендын булдыруны күрсәтте.
Фәрит Мөхәммәтшин яшь парламентарийларның игътибарын авыл проблемаларына юнәлтте. Яшь буынны даими рәвештә хупларга кирәк — закон чыгаручылар да, һәм дәүләт башлыгының төбәктәге тулы вәкаләтле вәкиле Игорь Комаров та шул фикердә.
Татарстанда 380 нән артык яшүсмерләр оешмасы эшли. Бу клублар, хезмәт отрядлары һәм лагерьлар. «Юнармия» Бөтенроссия хәрәкәте отрядлары иң яхшыларның берсе. Алар бөтен республика буенча эшли. Ассоциациядә билгеләп үтүләренчә, бу тәрбия системасы эшләсен өчен аеруча әрәмиятле.
Бу Икътисади үсеш министрлыгының «Росатом» белән уртак проекты. Аның асылы документацияне алу рөхсәте һәм бизнесны инженерлык коммуникацияләренә тоташтыру вакытларын шактый кыскартуда. Фәрит Мөхәммәтшин утырышта тагын бер темага — хезмәт мигрантларын җайлаштыруга кагылды.
Күп кенә мәсьәләләргә мөгаен киләсе утырышта кире кайтырлар, аны Идел буе закон чыгаручылары декабрьдә Чуваш республикасында уздырырга ниятли.
Дмитрий Второв, Эдуард Мөхәммәтҗанов, Татарстан яңалыклары, Киров өлкәсе.
