Татарстан парламентында республика бюджеты турындагы закон проекты буенча киләсе ел һәм 24-25 еллардагы план чоры турында актив фикер алышалар. Парламентның шушы һәм башка яңалыклары белән Гөлназ Ибраһимова таныштыра.
Документны Дәүләт Советының профильле комитетларында җентекләп карадылар, ә җомга көнне закон проекты буенча парламент тыңлаулары узды. Беренче укылыш алдыннан булачак казнаның барлык параметрларын килештерү һәм документка ярдәм итү буенча төптән билгеләнү мөһим. Барлык проектларны да финанслауны тәэмин итәргә кирәк.
Татарстан Президенты Рөстәм Миңнехановның республика Дәүләт Советына юлламасы 20 октябрьгә планлаштырылган. Анда республиканың эчке һәм тышкы хәле турында мәгълүмат яңгыраячак. VI чакырылыш Татарстан парламентының 35нче утырышы Салих Сәйдәшев исемендәге Дәүләт зур концертлар залында узарга тиеш.
Татарстанның 2023 елга планлаштырылган бюджетында социаль өлкә чыгымнары бөтен күләмнең 80 процентыннан күбрәген тәшкил итәчәк. Бу хакта 2023-2025 елларга бюджет проекты буенча парламент тыңлауларында ТР финанс министры Радик Гайзатуллин чыгышыннан соң билгеле булды. Ул 45 муниципаль район һәм шәһәр берәмлекләре бюджетларының, 911 җирлек бюджетының чыгымнар буенча фаразлары төзелгәнен әйтте.
…
Узган атнада парламентарийлар Укытучылар көне уңаеннан уздырылган тантаналарда, Өлкәннәр декадасы чараларында катнаштылар. «Мәрхәмәт-Милосердие» хатын – кыз депутатлар берләшмәсе, Кеше хокуклары буенча вәкил белән берлектә, өлкән гражданнар хокукларын яклау буенча «Хатын-кыз игътибары» кайнар линиясен үткәрде, ә Фәрит Мөхәммәтшин Россия Юстиция министрлыгының 220 еллыгына багышланган чараларда катнашты, парламентта волейбол ветераннарын кабул итте.
Коротко о важном убрать
…..
Казанда һәм республиканың зур шәһәрләрендә традицион көзге авыл хуҗалыгы ярминкәләре дәвам итә. Декабрьгә кадәр шәһәр халкы шимбә көнне сыйфатлы продукция сатып алу мөмкинлегенә ия. Республика президенты Рөстәм Миңнеханов муниципалитетлар башлыкларын сәүдә өчен барлык шартларны тәэмин итәргә өндәде, ярмминкәләрне ул үзе контрольдә тота. Парламентарийлар һәм муниципаль Совет депутатлары да шулай эшли. Ә узган шимбәдә Фәрит Мөхәммәтшин башкаланың ярминкә мәйданнарының берсендә булды, авыл халкы, сатып алучылар белән аралашты.
ВМЗ от 10.10.2022 Второв- Зайнуллина ярмарка колледжи
Биредәге оештыру шартларыннан, уңай атмосферадан биюгә кушылып китәсе килә. Арзан бәядән һәм күңелеңә ошаган төрле тәм-том, яңа товарлар – бу республикада авыл хуҗалыгы ярминкәләренең күпьеллык кагыйдәсе.
Казанның Батыршин урамындагы сату итү чатыр мәйданчыгы аена ике шимбәдә Чүпрәле фермерлары, кооперативлары һәм шәхси ярдәмче хуҗалыклар карамагында.
Парламент рәисе Фәрит Мөхәммәтшин инде берничә ел Президент кушуы буенча авыл халкының хезмәт активлыгын арттыру темасына кураторлык итә. Шуңа күрә ярминкәдә ул чираттагы ассортимент белән таныша, сатып алучылар белән аралаша.
Бәяләргә килгәндә бәрәңгенең бер килограммы- 18 сум, суган һәм кишер 25 сум тирәсе, ит төренә һәм җитештерүчесенә карап, әмма кибетләргә караганда шактый арзанрак.
Ул көннке Агросәнәгать паркында һөнәри техник белем бирү активистлары һәм студентлары гаҗәпләндерде. Татарстан башкаласында ел саен үткәрелә торган республика ярминкәсе- «Осталар шәһәре» авыл хуҗалыгы продукциясе һәм техник иҗат эшләнмәләре күргәзмәсе 25 нче мәртәбә узды.
